რა საფრთხეს უქმნის ნამახვანის ჰესების კასკადი ტვიშის მიკროზონას - ინტერვიუ ლევან ხმელიძესთან
07/03/2020
Mtisambebi / მთის ამბები-ის
მიერ
© https://mtisambebi.ge/ - ზურგსუკან მასზე სიცილ-ხუმრობით იტყოდნენ ხოლმე, სულელიაო, რაკი ლეჩხუმის მივარდნილ სოფელში დაბრუნება, ვენახის გაშენება და იქ ტურისტების მიყვანა გადაწყვიტა. ახლა, როცა ჩანაფიქრი ნაბიჯ-ნაბიჯ რეალობად აქცია, ბევრი მიუტრიალდა დახმარების თხოვნით. ლევან ხმელიძე ქორენიშში ბავშვობიდან გამოყოლილმა სიყვარულმა შვიდი წლის წინ დააბრუნა, ბაბუის გაშენებული 60 წლის ვენახი გასხლა, განაახლა და უკვე საექსპორტო ღვინისთვის მოსავალს ელოდება. თუმცა, ახლა, ყველა ეს გეგმა და მოლოდინი კითხვის ნიშნის ქვეშ დადგა რიონზე ნამახვანის ჰესების კასკადის მშენებლობის გამო - უზარმაზარი ტერიტორიის დაგუბება მოსპობს იმ უნიკალურ კლიმატურ მახასიათებელს, რაც ტვიშის მიკროზონას აქვს და ლევანის ნაშრომ-ნაჯაფსაც ჩალის ფასს დაადებს.
