არჩილ თალაკვაძე აქტივისტს: „მითინიშ ოთხუალ ვამაფუ მარგალურო 2 სიტყვა ბთქუე“
09/26/2019
Radio Atinati-ის
მიერ
აქტივისტმა ცაბუნია ვართაგავამ ზუგდიდში მიმდინარე საკონსტიტუციო ცვლილებებთან დაკავშირებულ შეხვედრაზე არჩილ თალაკვაძეს და სხვა პარლამენტარებს კითხვით მიმართა. ის დაინტერესდა, გარდა არჩევნების პროპორციული სიით ჩატარების საკითხისა, რატომ არ გაითვალისწინა მთავრობამ ახალგაზრდების სხვა მოთხოვნები, რომლებსაც ისინი თბილისში პერმანენტულად გამართულ აქციებზე რამდენიმე თვის განმავლობაში ითხოვდნენ.
აღნიშნულმა კითხვამ შეკრებილების ნაწილი გააღიზიანა და ცაბუნია ვართაგავას სიტყვიერი შეურაცხყოფა მიაყენეს. მათ ახალგაზრდა აქტივისტს უზრდელი უწოდეს. შეხვედრის ერთ-ერთმა მონაწილემ კი მას შუათითი უჩვენა.
მანამდე, ვართაგავამ პარლამენტარებს რჩევაც მისცა. მან თქვა, რომ სამეგრელოში ხშირად ჩამოდიან ადამიანები, რომლებიც მეგრულად რამდენიმე სიტყვას იტყვიან და ეს ადგილობრივებს ძალიან უხარიათ. მისივე თქმით, ეს ადამიანური თვალსაზრისით კარგია, თუმცა, აქტივსტი ამბობს, რომ ეს ადამიანები და მათ შორის, პარლამენტარები სხვა დროს და ვითარებაში მეგრული ენის დასაცავად ხმას არ იღებენ. შეკრებილების ნაწილში ამ რჩევამაც უკმაყოფილება გამოიწვია. შეხვედრაზე მყოფმა მოქალაქეებმა თქვეს, რომ მეგრულ ენას დაცვა არ სჭირდება და აქტივისტი სეპარატიზმში დაადანაშაულეს, რაზეც ვართაგავამ უპასუხა, რომ მას სეპარატისტული მოსაზრებები არ დაუფიქსირებია და მხოლოდ ენის დაცვაზე საუბრობდა.
პარლამენტის თავმჯდომარემ აქტივისტის პასუხად თქვა, რომ ყოფილი შს მინისტრი გიორგი გახარია არათუ არ უნდა გადამდგარიყო, არამედ, ის ვალდებული იყო დაეცვა სახელმწიფო და დაემყარებინა წესრიგი ქვეყანაში.
„სამწუხაროა, რაც მოხდა, მაგრამ დილით ეს იყო სამართლიანი პროტესტი და ღამით რაც მოხდა, ამას მშვიდობიან აქციას ვეღარ დავარქმევთ. შს მინისტრი არათუ არ უნდა გადამდგარიყო, არამედ, ის ვალდებული იყო, დაეცვა წესრიგი და დაეცვა სახელმწიფო. რაც შეეხება პროპორციულ არჩევნებს, ეს მთელი საზოგადოების ინიციატივა და იდეაა და ჩვენ ეს გვსურდა ჯერ კიდევ ერთი წლის წინ\",- აღნიშნა თალაკვაძემ.
რაც შეეხება მეგრულ ენასთან დაკავშირებულ რჩევას, თალაკვაძემ მეგრულად უპასუხა: „მითინიშ ოთხუალ ვამაფუ მარგალურო 2 სიტყვა ბთქუე“, რაც ქართულად ასე ჟღერს: მეგრულად ერთი-ორი სიტყვის თქმა არავისთვის მაქვს სათხოვარი. როგორც აღმოჩნდა, არჩილ თალაკვაძე მეგრულად საუბრობს, რადგან სამეგრელო მისი დედულეთია.
2020 წელს არჩევნების პროპორციული სისტემით ჩატარების საკითხზე მოსწავლე-ახალგაზრდობის სასახლეში საკონსტიტუციო ცვლილებებზე თითქმის3 საათი იმსჯელეს. განიხილება ცვლილების ორი პროექტი. ერთი მმართველი პარტიის დეპუტატების მიერ, ხოლო მეორე კი საინიციატივო ჯგუფის მიერ არის ინიცირებული, რომელმაც 200 ათასი მოქალაქის ხელმოწერა შეაგროვა. შეხვედრას ესწრებიან, როგორ მმართველი პარტიის, ასევე ოპოზიციის წარმომადგენლები. შეკრებილებს სიტყვით უკვე მიმართა პარლამენტის თავმჯდომარემ არჩილ თალაკვაძემ. მან არჩევნების პროპორციული სისტემით ჩატარების მნიშვნელობაზე ისაუბრა.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI
Google+: https://plus.google.com/u/1/116211701...
Twitter: https://twitter.com/Atinati1059
Instagram: https://www.instagram.com/radioatinat...
აღნიშნულმა კითხვამ შეკრებილების ნაწილი გააღიზიანა და ცაბუნია ვართაგავას სიტყვიერი შეურაცხყოფა მიაყენეს. მათ ახალგაზრდა აქტივისტს უზრდელი უწოდეს. შეხვედრის ერთ-ერთმა მონაწილემ კი მას შუათითი უჩვენა.
მანამდე, ვართაგავამ პარლამენტარებს რჩევაც მისცა. მან თქვა, რომ სამეგრელოში ხშირად ჩამოდიან ადამიანები, რომლებიც მეგრულად რამდენიმე სიტყვას იტყვიან და ეს ადგილობრივებს ძალიან უხარიათ. მისივე თქმით, ეს ადამიანური თვალსაზრისით კარგია, თუმცა, აქტივსტი ამბობს, რომ ეს ადამიანები და მათ შორის, პარლამენტარები სხვა დროს და ვითარებაში მეგრული ენის დასაცავად ხმას არ იღებენ. შეკრებილების ნაწილში ამ რჩევამაც უკმაყოფილება გამოიწვია. შეხვედრაზე მყოფმა მოქალაქეებმა თქვეს, რომ მეგრულ ენას დაცვა არ სჭირდება და აქტივისტი სეპარატიზმში დაადანაშაულეს, რაზეც ვართაგავამ უპასუხა, რომ მას სეპარატისტული მოსაზრებები არ დაუფიქსირებია და მხოლოდ ენის დაცვაზე საუბრობდა.
პარლამენტის თავმჯდომარემ აქტივისტის პასუხად თქვა, რომ ყოფილი შს მინისტრი გიორგი გახარია არათუ არ უნდა გადამდგარიყო, არამედ, ის ვალდებული იყო დაეცვა სახელმწიფო და დაემყარებინა წესრიგი ქვეყანაში.
„სამწუხაროა, რაც მოხდა, მაგრამ დილით ეს იყო სამართლიანი პროტესტი და ღამით რაც მოხდა, ამას მშვიდობიან აქციას ვეღარ დავარქმევთ. შს მინისტრი არათუ არ უნდა გადამდგარიყო, არამედ, ის ვალდებული იყო, დაეცვა წესრიგი და დაეცვა სახელმწიფო. რაც შეეხება პროპორციულ არჩევნებს, ეს მთელი საზოგადოების ინიციატივა და იდეაა და ჩვენ ეს გვსურდა ჯერ კიდევ ერთი წლის წინ\",- აღნიშნა თალაკვაძემ.
რაც შეეხება მეგრულ ენასთან დაკავშირებულ რჩევას, თალაკვაძემ მეგრულად უპასუხა: „მითინიშ ოთხუალ ვამაფუ მარგალურო 2 სიტყვა ბთქუე“, რაც ქართულად ასე ჟღერს: მეგრულად ერთი-ორი სიტყვის თქმა არავისთვის მაქვს სათხოვარი. როგორც აღმოჩნდა, არჩილ თალაკვაძე მეგრულად საუბრობს, რადგან სამეგრელო მისი დედულეთია.
2020 წელს არჩევნების პროპორციული სისტემით ჩატარების საკითხზე მოსწავლე-ახალგაზრდობის სასახლეში საკონსტიტუციო ცვლილებებზე თითქმის3 საათი იმსჯელეს. განიხილება ცვლილების ორი პროექტი. ერთი მმართველი პარტიის დეპუტატების მიერ, ხოლო მეორე კი საინიციატივო ჯგუფის მიერ არის ინიცირებული, რომელმაც 200 ათასი მოქალაქის ხელმოწერა შეაგროვა. შეხვედრას ესწრებიან, როგორ მმართველი პარტიის, ასევე ოპოზიციის წარმომადგენლები. შეკრებილებს სიტყვით უკვე მიმართა პარლამენტის თავმჯდომარემ არჩილ თალაკვაძემ. მან არჩევნების პროპორციული სისტემით ჩატარების მნიშვნელობაზე ისაუბრა.
რადიო \"ათინათი\"
Website: http://radioatinati.ge/
Facebook: https://www.facebook.com/Rado.ATINATI
Google+: https://plus.google.com/u/1/116211701...
Twitter: https://twitter.com/Atinati1059
Instagram: https://www.instagram.com/radioatinat...
