ომი უკრაინაში - 336-ე დღე

საჰაერო განგაშის სიგნალი ისმის მთელი უკრაინის მასშტაბით - თავდაპირველად ის კიევში გაისმა და შემდეგ ქვეყნის სხვა ტერიტორიებზე გავრცელდა. გავრცელებული ინფორმაციით, განგაში ბელარუსის ტერიტორიიდან რუსული მოიერიშე თვითმფრინავის აფრენას უკავშირდება. რაც შეეხება აღმოსავლეთის ფრონტის ხაზს. უკრაინელებმა ლიმანისა და ავდეევკის მიმართულებით რუსეთის შეტევების მოგერიება შეძლეს. გენშტაბის ცნობით, რუსეთის არმია აგრძელებს იერიშს ბახმუტზე და დიდ დანაკარგს განიცდის. კუპიანსკის, ზაპოროჟიესა და ხერსონის მიმართულებით ოკუპანტები თავდაცვით პოზიციაში რჩებიან. გასულ დღე-ღამეში რუსმა ჯარისკაცებმა ხუთი სარაკეტო დარტყმა მიიტანეს ქალაქ კონსტანტინოვკას სამოქალაქო ობიექტებზე. ასევე, რუსეთის ავიაციამ 13-ჯერ დაბომბა უკრაინის ტერიტორია. რუსი ჯარისკაცები განაგრძობენ შეტევას სატანკო, საარტილერიო შეიარაღებიდან და ნაღმტყორცნებიდან. ღამით სუმის ოლქს 200-ჯერ გაუხსნეს ცეცხლი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.