კულტურული მემკვიდრეობის სფეროს მარეგულირებელი საკანონმდებლო ჩარჩოს ანალიზი და რეკომენდაციები

19 დეკემბერს კულტურისა და ძეგლთა დაცვის სამინისტროში, ევროკავშირის საჯარო სამსახურების დაძმობილების, ტვინინგის პროექტის ფარგლებში, კულტურული მემკვიდრეობის დაცვის სფეროს ქართველი და უცხოელი ექსპერტების, სფეროს დაინტერესებული მხარეებისა და დამოუკიდებელი სპეციალისტების მონაწილეობით, გაფართოებული სამუშაო შეხვედრა გაიმართა თემაზე - „კულტურული მემკვიდრეობის სფეროს მარეგულირებელი საკანონმდებლო ჩარჩოს ანალიზი და რეკომენდაციები". შეხვედრას დაესწრნენ საქართველოს კულტურისა და ძეგლთა დაცვის მინისტრის პირველი მოადგილე მარინე მიზანდარი,ევროკავშირის კულტურის ატაშე საქართველოში ოლივერ რაისნერი, ამბა-ალავერდელი მიტროპოლიტი დავითი, კულტურული მემკვიდრობის დაცვის ეროვნული სააგნტოს საინფორმაიო სისტემების სამსახურის, საგანმანათლოებლო და მარკეტინგისა დეპარტამენტსი უფროსი ივანე ვაშაყმაძე, ტვინინგის პროექტის მუდმივის საერთაშორისო ექსპერტი ალესანდრო ბიანკი. სამუშაო შეხვედრის მიზანია, კულტურული მემკვიდრეობის სფეროში არსებული საკანონმდებლო რეგულაციების დახვეწის პროცესში საჯარო დაწესებულებების, არასამთავრობო ორგანიზაციების წარმომადგენლებისა და საზოგადოების ჩართვა და მათთან კონსულტაციების განხორციელება. ასევე: შესაბამისი ადმინისტრაციებისა და არასამთავრობო ორგანიზაციების ინფორმირება დაძმობილების პროექტის საკანონმდებლო კომპონენტის შესახებ; განხილული საკითხებისა და გადაწყვეტილებების შესახებ ინფორმაციის გავრცელება; კომენტარებისა და რჩევების მიღება; დაინტერესებული მხარეების ჩართულობა, მათი კომპეტენციებიდან გამომდინარე, ახალი რეგულაციის შემუშავების პროცესში. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045