ნატო-ს გაფართოების საკითხი

ნატო-ს გაფართოების საკითხი იყო ერთ-ერთი მთავარი თემა, რაზეც დღეს გაერთიანებული სამეფოს პრემიერ-მინისტრმა და თურქეთის პრეზიდენტმა, სატელეფონო საუბარი გამართეს. ბორის ჯონსონმა და რეჯეფ ტაიფ ერდოღანმა ასევე განიხილეს ბრიტანეთი-თურქეთის თანამშრომლობა და უკრაინის კონფლიქტზე გლობალური რეაგირება. ბრიტანეთის მთავრობის ინფორმაციით, ლიდერებმა ერთმანეთს გაუზიარეს ღრმა შეშფოთება რუსეთის მიერ უკრაინის წინააღმდეგ განხორციელებული თავდასხმისა და მისი შორს მიმავალი შედეგების შესახებ. პრემიერ-მინისტრი მიესალმა თურქეთის წამყვან როლს კრიზისის მოგვარებაში. ლიდერები შეთანხმდნენ, რომ ერთად იმუშაონ უკრაინის მარცვლეულის მარაგების ექსპორტის სასიცოცხლო მარშრუტების გახსნისა და სურსათზე გლობალური ფასების შემცირების მიზნით“, - ნათქვამია ინფორმაციაში. „ნატო-ს გაფართოების საკითხზე საუბრისას პრემიერ-მინისტრმა ხაზი გაუსვა იმ საფრთხეს, რასაც რუსეთი ევროპელ მეზობლებს უქმნის და განაცხადა, რომ ფინეთი და შვედეთი ნატო-ს ალიანსში ღირებული წევრები იქნებიან. მან მოუწოდა პრეზიდენტ ერდოღანს, იმუშაოს შვედ, ფინელ და ნატოელ კოლეგებთან, რათა ნებისმიერი პრობლემა მომავალი თვის მადრიდის სამიტამდე გადაილახოს“, - აღნიშნულია ბრიტანეთის მთავრობის მიერ გავრცელებულ ცნობაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.