19 დეკემბერს 18:00 საათზე „კავკასიური სახლისა“ და საქართველოს ქურთული ასოციაცია „რონაის“ ორგანიზებით შედგება დიდი ქურთი მოღვაწის, ქერიმ ანყოსის ხსოვნისადმი მიძღვნილი საღამო.
ქერიმ ანყოსი (1937-2019) გახლდათ მწერალი, ჟურნალისტი, აღმოსავლეთმცოდნე, საქართველოში ქურთულენოვანი რადიოგადაცემის რედაქტორი, ქურთულ ენაზე თარგმნილი „ვეფხისტყაოსნის“ რედაქტორი. მისი დამსახურება საქართველოში მცხოვრები ქურთების და ამრიგად, ჩვენი მრავალეთნიკური ქვეყნის კულტურის განვითარებაში განუზომელია.
ბატონმა ქერიმმა საქართველოს რადიოში ქურთულენოვანი გადაცემა დააარსა, შექმნა ქურთ სახალხო მომღერალთა და მუსიკოსთა ჩანაწერების ფონდი, გამოსცა პირველი ორენოვანი სახელმძღვანელოები — ქართულ-ქურთული და რუსულ-ქურთული, შეადგინა ქართულ-ქურთული (კურმანჯი) ლექსიკონი. იგი რედაქტორობდა ქურთულენოვან გაზეთს „გლავეჟი“ („ცისკრის ვარკსვლავი“) და ქართულენოვან „საქართველოს ქურთებს“.
ბატონმა ქერიმმა რამდენიმე ქურთულ ორგანიზაციას ჩაუყარა საფუძველი; მისი მხატვრული შემოქმედება გამოცემულია როგორც ქურთულ, ისე ქართულ ენებზე; ქერიმ ანყოსი მრავალი ცნობილი ქურთული სიმღერის ავტორიცაა…
ღონისძიებაზე ბატონი ქერიმის ცხოვრებას, მოღვაწეობასა და შემოქმედებას გაიხსენებენ მისი მეგობრები, თანამოაზრეები და ისინი, ვის ცხოვრებაზეც მან წარუშლელი კვალი დატოვა.
ღონისძიება გაიმართება „კავკასიურ სახლში“ მისამართზე გალაკტიონ ტაბიძის N20.
ქერიმ ანყოსი (1937-2019) გახლდათ მწერალი, ჟურნალისტი, აღმოსავლეთმცოდნე, საქართველოში ქურთულენოვანი რადიოგადაცემის რედაქტორი, ქურთულ ენაზე თარგმნილი „ვეფხისტყაოსნის“ რედაქტორი. მისი დამსახურება საქართველოში მცხოვრები ქურთების და ამრიგად, ჩვენი მრავალეთნიკური ქვეყნის კულტურის განვითარებაში განუზომელია.
ბატონმა ქერიმმა საქართველოს რადიოში ქურთულენოვანი გადაცემა დააარსა, შექმნა ქურთ სახალხო მომღერალთა და მუსიკოსთა ჩანაწერების ფონდი, გამოსცა პირველი ორენოვანი სახელმძღვანელოები — ქართულ-ქურთული და რუსულ-ქურთული, შეადგინა ქართულ-ქურთული (კურმანჯი) ლექსიკონი. იგი რედაქტორობდა ქურთულენოვან გაზეთს „გლავეჟი“ („ცისკრის ვარკსვლავი“) და ქართულენოვან „საქართველოს ქურთებს“.
ბატონმა ქერიმმა რამდენიმე ქურთულ ორგანიზაციას ჩაუყარა საფუძველი; მისი მხატვრული შემოქმედება გამოცემულია როგორც ქურთულ, ისე ქართულ ენებზე; ქერიმ ანყოსი მრავალი ცნობილი ქურთული სიმღერის ავტორიცაა…
ღონისძიებაზე ბატონი ქერიმის ცხოვრებას, მოღვაწეობასა და შემოქმედებას გაიხსენებენ მისი მეგობრები, თანამოაზრეები და ისინი, ვის ცხოვრებაზეც მან წარუშლელი კვალი დატოვა.
ღონისძიება გაიმართება „კავკასიურ სახლში“ მისამართზე გალაკტიონ ტაბიძის N20.
