ქურდული სამყაროს წევრობის ბრალდებით დაკავებულია ექვსი პირი

ქურდულ შეკრებაში მონაწილეობის, ქურდული სამყაროს წევრობისა და ქურდული სამყაროს საქმიანობის მხარდაჭერის ბრალდებით შსს-მ ექვსი პირი დააკავა. გამოძიებამ დაადგინა, რომ ქართველმა „კანონიერმა ქურდებმა“ – მინდია გორაძემ, იგივე ლავას ოღლიმ და ჯეირან კინწურაშვილმა ერთ-ერთ ბრალდებულს ე.წ. მაყურებლის სტატუსი მიანიჭეს და მას წალკის მუნიციპალიტეტის სოფლებში ე.წ. ქურდული საერთოს შეკრების ორგანიზება დაავალეს. თანხის ნახევარი, „კანონიერი ქურდის“, ჯეირან კინწურაშვილის გადაწყვეტილებით, საფრანგეთში მყოფი „კანონიერი ქურდის“ – გიორგი ფოლადაშვილის დედას გადაერიცხა. დაკავებულების ბინების ჩხრეკისას ამოღებულია ე.წ. ქურდული საერთოს სია. ასევე, ბრალდებულების მობილური ტელეფონები, რომელთა საშუალებითაც ისინი ერთმანეთს და უცხოეთში მცხოვრებ ქართველ „კანონიერ ქურდებს“ უკავშირდებოდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.