ევროკავშირთან ასოცირების კომიტეტის გადაწყვეტილება

სტრასბურგში საქართველოს შესახებ რეზოლუცია ვერ მიიღეს. ევროკავშირ-საქართველოს ასოცირების საპარლამენტო კომიტეტის ორდღიანი სხდომა ისე დასრულდა, რომ საერთო ტექსტზე შეთანხმება ვერ მოხერხდა. „ნაციონალური მოძრაობა“ და „ევროპული საქართველო“ ითხოვდა, პროექტში შესულიყო ცვლილებები, რომელიც გიგი უგულავას დაკავებას, გიორგი რურას საქმეს, 20 ივნისის მოვლენებს და რამდენიმე სასამართლო პროცესს ეხებოდა. თუმცა, ვერც ოპოზიციის და ვერც მმართველი პარტიის მიერ ინიცირებულმა შესწორებებმა მხარდაჭერა ვერ მიიღო. საბოლოოდ რეზოლუციის პროექტი, რომელშიც საქართველოს მიერ ასოცირების ხელშეკრულებით ნაკისრი ვალდებულებების შესრულებაზე იყო საუბარი და ევროინტეგრაციის კუთხით არაერთ მნიშვნელოვან გზავნილს მოიცავდა, ჩავარდა. ფაქტის გამო იმედგაცრუებას ვერ მალავს კომიტეტის თანათავმჯდომარე ესტონელი დეპუტატი, რომელმაც მხარეებს მიანიშნა, რომ ინიცირებული ცვლილებების ჩამონათვალში არაერთი შიდაპოლიტიკური განცხადება იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.