განათლების სამინისტროს კონკურსი - „ვუმღერ სამშობლოს“

საქართველოს განათლებისა და მეცნიერების სამინისტრო სკოლის მოსწავლეებისათვის კონკურსს - „ვუმღერ სამშობლოს“ აცხადებს.
კონკურსში მონაწილეობის მიღება შეუძლია საქართველოს საჯარო და კერძო სკოლის მოსწავლეებს გუნდის/ჯგუფის სახით (წევრთა რაოდენობა და ასაკი შეზღუდული არ არის). კონკურსში მონაწილოების მსურველებმა უნდა წარადგინონ სიმღერა (არსებული ან სპეციალურად აღნიშნული კონკურსისთვის შექმნილი), რომელიც შესაბამისობაში იქნება კონკურსის თემატიკასთან.
საკონკურსო სიმღერის ვიდეორგოლი სკოლამ უნდა ატვირთოს ვებ-გვერდზე youtube.com, ატვირთული ვიდეორგოლის შესაბამისი ბმული სკოლის ოფიციალური ელექტრონული ფოსტის მეშვეობით განათლების სამინისტროში უნდა გადაიგზავნოს. მონაწილეების მიერ გამოგზავნილი ვიდეოები აიტვირთება კონკურსის Facebook გვერდზე - „ვუმღერ სამშობლოს“, სადაც შესაძლებელი იქნება ე.წ ,,მოწონების’’ (Like) საშუალებით ნებისმიერი პირისთვის ხმის მიცემა. გამარჯვებულს შესაბამისი კომისია გამოავლენს, მათ სიგელები და ფულადი პრიზები გადაეცემათ.