რესტორანი „ბუდაპეშტი“ სასტუმრო „ბუდაპეშტის“ ნაცვლად

რესტორანი „ბუდაპეშტი“ სასტუმრო „ბუდაპეშტის“ ნაცვლად. ინვესტორი თბილისის მერიას კომპრომისულ ვარიანტს სთავაზობს და მზად არის, უარი თქვას ვაკის პარკში სასტუმროს მშენებლობაზე. სანაცვლოდ კი ვალდებულებას იღებს, აღადგინოს 1958 წელს აშენებული რესტორანი ისტორიული ფასადის შესაბამისად. ინვესტორის განცხადებით, თბილისის მერიასთან ტერიტორიის ადგილმონაცვლეობასთან დაკავშირებით, შეთანხმება ვერ შედგა და მიუხედავად სამართლებრივად სასტუმროს მშენებლობის უფლებისა, კომპანია თანხმდება დედაქალაქის მთავრობის ერთი წლის წინანდელ შეთავაზებას, რესტორნის აღდგენის თაობაზე. ინვესტორი ასევე ვალდებულებას იღებს, მოაწყოს ველობილიკი, რომლითაც უსასყიდლოდ ისარგებლებს ყველა მსურველი. მრავალწლიანი სამართლებრივი დავისა და მერიასთან ერთწლიანი მოლაპარაკების მიუხედავად, კერძო ინვესტორსა და თბილისის მერიას შორის შეთანხმება ამ დრომდე არ არის მიღწეული. თბილისის მერიის გადაწყვეტილება აღნიშნულ წინადადებაზე დღის მეორე ნახევარში გახდება ცნობილი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.