წლების წინ, როდესაც საქართველო გაიხსნა გლობალური მუსიკის ბაზრისთვის როცა დაიწყო მსოფლიოს ცნობილი არტისტების შემოსვლა საქართველოში და პირიქით, ქართული მუსიკალური პროდუქციის ექსპორტი, აი ამ დროს მთავარ როლში ცნობილი მუსიკალურ-საპროდიუსერო კომპანია EASTERN PROMOTION-ი იყო. მის უკან კი, კანდელაკების დიდი ოჯახის სამი თაობის წარმომადგენელი იდგა, რომლებსაც გვარისა და გენეტიკის გარდა კიდევ ერთი საერთო თვისება აქვთ – დიდი სიყვარული მუსიკის მიმართ. თუმცა ამჯერად ყველაზე უმცროს წევრზე უნდა მოგიყვეთ, ნიკოლოზ კანდელაკზე, რომელიც წარმატებით აგრძელებს ბაბუისა და მამის მუსიკალურ გზას. ის დღეს რეგიონის მასშტაბით მუსიკალური ინდუსტრიის კვალიფიციური მენეჯერია - შესაბამისი, ხარისხიანი განათლებითა და ფასდაუდებებლი გამოცდილებით. ხოლო მუსიკალურ საქმიანობაში გრანდიოზული გეგმების, გამოწვევებისა და მიზნების შესახებ, ნიკოლოზ კანდელაკი რუბრიკაში #Forbes #30under30 საუბრობს ვრცლად.
