აბრეშუმის გზის ფორუმი

მასშტაბური საერთაშორისო პლატფორმის მასპინძლობის შემდეგ საქართველოში ახალ საინვესტიციო პროექტებს აანონსებენ. თბილისის აბრეშუმის გზის ფორუმი დასრულებულია - ორდღიანი შეხვედრები რამდენიმე შეთანხმებით დასრულდა. როგორ უნდა განვითარდეს შეცვლილი გეოპოლიტიკური რეალობის ფონზე ისტორიული აბრეშუმის გზა და როგორ უნდა გაიზარდოს სავაჭრო დერეფანში საქართველოს როლი - განსაკუთრებული აქცენტი ინფრასტრუქტურის მოწყობაზე კეთდება, რომელმაც რკინიგზის მოდერნიზებით, პორტების და გზების მშენებლობით და თანამედროვე ციფრული თუ ფინანსური ტექნოლოგიების დანერგვით ევროპა-აზიის დამაკავშირებელი სავაჭრო გზა უფრო მეტად უნდა დატვირთოს. თავის მხრივ საკუთარი გეგმები წარადგინა საქართველომ, რომელსაც ამ მარშრუტში გეოგრაფიული მდებარეობის გამო განსაკუთრებული სატრანზიტო როლი აქვს. ორი დღის განმავლობაში 60-მდე ქვეყნის ოფიციალურ პირებს, ბიზნესს და საერთაშორისო ორგანიზაციების წარმომადგენლებს საშუალება ჰქონდათ, რუსეთის გვერდის ავლით ენერგორესურსების და სატრანსპორტო გადაზიდვების ალტერნატიული შუა დერეფნის მომავალზე ერთად ემსჯელათ და კონკრეტული საინვესტიციო წინადადებები შეეთანხმებინათ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.