ანულირებული შეთანხმება - საერთაშორისო გამოხმაურებები

გაუქმებული შეთანხმება და მწვავე საერთაშორისო გამოხმაურება. ბრიუსელი და ვაშინგტონი იმედგაცრუებულია. შარლ მიშელის დოკუმენტიდან მმართველი პარტიის ცალმხრივად გასვლის შემდეგ, ქვეყნის საერთაშორისო პარტნიორების მთავარი მოწოდება შეთანხმებით გათვალისწინებული რეფორმების გატარებაა. კეთდება მინიშნებები დახმარებების პირობითობაზე, ევროატლანტიკური ინტეგრაციის საფრთხეზე და პოლიტიკური კრიზისის კიდევ უფრო გამწვავებაზე. თითქმის ყველა განცხადებაში ნეგატიურად ფასდება ის გარემოებაც, რომ ყველაზე მსხვილ ოპოზიციურ პარტიას შეთანხმებაზე ხელი ამ დრომდე არ აქვს ხელმოწერილი. ყველაზე დიდი ინტერესი დღეს შარლ მიშელის რეაქციის მიმართ იყო. მითუმეტეს, რომ რამდენიმე უშედეგო რაუნდის შემდეგ გაფორმებული შეთანხმების ავტორი საქართველოს წინა კვირას სტუმრობდა და მისი სახელობის შეთანხმების შესრულების პროცესს ქართულ პოლიტიკურ სპექტრთან განიხილავდა. ოპოზიციის ნაწილი მიშელის დღევანდელი რეაქციის გამო უკმაყოფილებას ვერ მალავს. ხელისუფლების ოპონენტები მმართველ გუნდზე საერთაშორისო ზეწოლის გაძლიერებას ითხოვენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.