ყვარლის რაიონში ხანძრის სალიკვიდაციო სამუშაოები განახლდა

ხანძრის სალიკვიდაციო სამუშაოები ყვარლის რაიონში დილიდან განახლდა. პროცესში გამთენიისას ისევ ჩაერთო საჰაერო ტექნიკა. ცეცხლის ჩასაქრობად შემოვლას სამი ვერტმფრენი ახორციელებს. პარალელურად მიმდინარეობს გზის გაჭრა, იმისათვის, რომ სპეციალური ტექნიკის მიყვანა ცეცხლის ღია კერებამდე გახდეს შესაძლებელი. ადგილზე რჩებიან მეხანძრე-მაშველები, რომლებსაც ადგილობრივი მცხოვრებლებიც ეხმარებიან. ყვარლის რაიონში გახსნილია სპეციალური შტაბი, სადაც ხანძრის სალიკვიდაციო ღონისძიებები იგეგმება. შეგახსენებთ, ცეცხლი თავდაპირველად ხმელ ბალახსა და ფოთოლს მოედო, თუმცა მაღალი ტემპერატურისა და ქარის გამო, ცეცხლის არეალი გუშინ გაფართოვდა. სტიქიას დასახლებული პუნქტიდან დაახლოებით ხუთ კილომეტრში ებრძვიან. მოსახლეობას ამ დროისათვის საფრთხე არ ემუქრება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.