მესამე დღეა, ინტენსიურად თოვს აჭარაში

მესამე დღეა, ინტენსიურად თოვს აჭარაში. მაღალმთიან ზონაში თოვლის საფარმა ერთ მეტრსა და 50 სანტიმეტრს გადააჭარბა. ამ დროისთვის ბათუმი-ახალციხის ცენტრალურ მონაკვეთზე მოძრაობა შესაძლებელია, თუმცა გოდერძის უღელტეხილის მიმართულებით მხოლოდ მაღალი გამავლობის ავტომანქანები გადაადგილდებიან. შეფერხებულია მოძრაობა აჭარის მთიანი სოფლების ნაწილიდან ადმინისტრაციულ ცენტრამდე. თოვლმა დააზიანა ელექტროგადამცემი ხაზებიც, რის გამოც მთიანი სოფლების ნაწილს ელექტროენერგია არ მიეწოდება. ბათუმის გარდა, ყველა მუნიციპალიტეტის საბავშვო ბაღებში სასწავლო პროცესი გადაიდო. აჭარის საავტომობილო გზების დეპარტამენტის ინფორმაციით, რეგიონის ხუთივე მუნიციპალიტეტში გზის გაწმენდის სამუშაოები მიმდინარეობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.