ბათუმის კინო-ფესტივალი

ბათუმის საერთაშორისო კონო-ფესტივალის გახსნამდე რამდენიმე დღით ადრე, ეროვნულ კინოცენტრში ღონისძიების სრული პროგრამა წარადგინეს. ფესტივალს სამი საერთაშორისო საკონკურსო პროგრამა აქვს. მოკლემეტრაჟიანი ფილმების საკონკურსო სექციაში წელს 25 ფილმია შერჩეული, რომელთაგან 6 ქართველი რეჟისორის ნამუშევარია. დოკუმენტური ფილმების საკონკურსო სექციაში სულ 8 ფილმია. მათგან მხოლოდ ერთია ქართული. სრულმეტრაჟიანი ფილმების საკონკურსო სექციაში 8 ფილმია წარდგენილი და მათგან არც ერთია ქართული. „ბიაფის“ საერთაშორისო მხატვრული ფილმების კონკურსის ჟიურის თავმჯდომარე, ალექსანდრე მინდაძე იქნება, დოკუმენტურის - ქშიშტოფ გიერატი, პოლონეთიდან. ხოლო მოკლე ფილმების საკონკურსო ჟიურის თავმჯდომარე ოთარ შამათავა იქნება. ქართული ფილმის კრიტიკოსთა ჟიურის, ლელა ოჩიაური, ნინო მხეიძე და სალომე კიკალეიშვილი წარმოადგენენ. ბათუმის საავტორო ფილმების მე-14 საერთაშორისო ფესტივალი 2006 წელს დაარსდა. წელს ის ბათუმში 15-22 სექტემბერს ჩატარდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.