ლადო გუდიაშვილი 120 - გამოფენის გახსნა

06.05.2016 01:52

წელს ქართული თანამედროვე ხელოვნების ერთ-ერთი ფუძემდებლის - ლადო გუდიაშვილის 120 წლის იუბილე აღინიშნება. ამ თარიღთან დაკაშირებით, საქართველოს კულტურისა და ძეგლთა დაცვის სამინისტროსა და თბილისის მერიის მხარდაჭერით, ლადო გუდიაშვილის ფონდი 4 საიუბილო გამოფენას უწევს ორგანიზებას. 5 მაისს, ლადო გუდიაშვილის საგამოფენო დარბაზმა პირველ გამოფენას უმასპინძლა, რომელსაც საქართველოს კულტურისა და ძეგლთა დაცვის მინისტრი მიხეილ გიორგაძე დაესწრო. ექსპოზიციაზე წარმოდგენილია მხატვრის 40-იანი წლების ფერწერა და გრაფიკა. გამოფენა 6 მაისიდან 19 ივნისამდე გაგრძელდება. http://culture.gov.ge/

გაზიარება: