სამუსიკო სკოლის პედაგოგების აქცია სიღნაღში

სიღნაღის მუნიციპალიტეტის ხუთი სამუსიკო სკოლის პედაგოგები სახელფასო დავალიანების ანაზღაურებას ითხოვენ. ისინი სიღნაღის მერიასთან შეიკრიბნენ. პედაგოგები ამბობენ, რომ სიღნაღის მერის სამივლინებო ხარჯები 20 ათასი ლარით გაიზარდა, მათ კი, ერთი თვეა, ხელფასი არ მიუღიათ. სიღნაღის მერი გოგი გოგილაშვილი განმარტავს, რომ შექმნილი სიტუაციის გამო, ფინანსთა სამინისტროს აღნიშნულ საკითხთან დაკავშირებით უკვე ესაუბრა და დავალიანების გასასტუმრებლად აქტიურად მუშაობენ. არსებული ინფორმაციით, მაისში კუთვნილი ხელფასი სამუსიკო სკოლის პედაგოგების გარდა, მერიის კიდევ რამდენიმე სამსახურისა და აიპის თანამშრომელს არ მიუღია, რაც ჯამში 200 ათას ლარს შეადგენს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.