ახალი აღმოჩენა იმირის გადაჭრილ გორაზე

11 ივნისს, ქვემო ქართლის გუბერნატორი გრიგოლ ნემსაძე მოადგილეებთან და მარნეულის მუნიციპალიტეტის ხელმძღვანელ პირებთან ერთად, იმირის გადაჭრილ გორაზე მიმდინარე არქეოლოგიურ სამუშაოებს გაეცნო. ტერიტორიაზე საქართველოს ეროვნული მუზეუმის წარმომადგენლებმა, ტორონტოს უნივერსიტეტის პროფესორებმა და სტუდნეტებმა კვლევის შედეგად ღვინის კიდევ ერთი ჭურჭელი და სხვა ნივთები აღმოაჩინეს. ,,მარნეულის მუნიციპალიტეტში იმირის გორაზე რამდენიმე დღის წინ აღმოჩენილი მასალის დამუშავებისა და შესაბამისი კვლევის შემდეგ, კიდევ უფრო ნათელი სურათი გვექნება საქართველოს ტერიტორიაზე არსებული უძველესი მეღვინეობა-მევენახეობის კულტურის შესახებ. აღნიშნულ ტერიტორიაზე მუდმივად მიმდინარეობს სხვადასხვა ჯგუფების მიერ სპეციალური ექსპედიციები და ვიმედოვნებ, რომ არსებულ მასალებს კიდევ ბევრი მნიშვნელოვანი ექსპონანტი შეემატება. მოგეხსენებათ, რომ იმირის გორა მსოფლიოს 10 საუკეთესო აღმოჩენას შორის ერთ-ერთია, შესაბამისად მას მნიშვნელოვანი ადგილი უკავია ქვეყნისა და ჩვენი რეგიონის ტურისტულ რუქაზე. ჩვენი მიზანია ტერიტორია ტურისტულად კიდევ უფრო მეტად განვითარდეს და არსებული რესურსი მაქსიმალურად სწორად გამოვიყენოთ“-აღნიშნა გუბერნატორმა. #ქვემოქართლი2018 #მარნეული2018 #კულტურა2018