#მოამბე 21 საათზე, 8 მარტი, 2024 #LIVE

• ევროკავშირის წარმომადგენლობა ადეიშვილის ბრიუსელში ვიზიტს მის უკრაინულ დელეგაციაში ყოფნით ხსნის და სხვა ბრალდებებს დეზინფორმაციად მიიჩნევს, „ქართულ ოცნებას“ კი ევრორეკომენდაციების შესრულების ვალდებულებას ახსენებს - დასავლეთის პასუხი თბილისს და ქართული პოლიტიკური სპექტრის შეფასებები • ლევან ხაბეიშვილი საარჩევნო პიარსტრატეგიის ფარგლებში მაღალ ფასებზე საუბარს განაგრძობს და ინფლაციასა და სოციალური ფონის გაუარესებაში ხელისუფლებას ამჯერად, მეზობელი თურქეთიდან ადანაშაულებს - მმართველი გუნდი აცხადებს, რომ „ნაციონალური მოძრაობის“ ტაქტიკა ჯერემი როზნერის სტრატეგიიდან მომდინარეობს და ე.წ ფსევდოლიბერალური პროპაგანდის წინააღმდეგ ბრძოლის საკითხიდან ყურადღების გადატანას ემსახურება • კონგრესისადმი ყოველწლიური ანგარიში ბაიდენმა წინასაარჩევნო გზავნილების გასაჟღერებლად და მთავარი ოპონენტის, ტრამპის კრიტიკისთვის გამოიყენა - კრიტიკის ადრესატმა პრეზიდენტის გამოსვლა შეაფასა, როგორც პოლარიზებული და სიძულვილის ენით სავსე, „რესპუბლიკური პარტიის“ სახელით კი ყოველწლიურ ანგარიშს სენატორი ქეითი ბრიტი გამოეხმაურა • სიახლე ორსულთა ჯანმრთელობის პროგრამაში - სახელმწიფო ქალებს გინეკოლოგთან ვიზიტს მშობიარობის შემდეგაც დაუფინანსებს; ექიმები მშობიარობის შემდგომ რისკებზე საუბრობენ და ვიზიტის პრაქტიკის დანერგვას პოზიტიურად აფასებენ; დედათა და ბავშვთა სახელმწიფო პროგრამა და სერვისები ქალთა ჯანმრთელობის ხელშეწყობისთვის ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.