სოფელ საჩინოში აქცია დასრულდა

12.06.2017 01:29

Radio Atinati

არხი

სოფელ საჩინოში ადგილობრივების აქცია მას შემდეგ შეწყდა, რაც ადგილობრივებს სამეგრელო - ზემო სვანეთის სამხარეო ადმინისტრაციის რეგიონული პროექტების კოორდინირების სამსახურის უფროსი ნუგზარ გაბელია შეხვდა. გაბელია საჩინოს მოსახლეობას ზუგდიდი-წალენჯიხის დამაკავშირებელი ცენტრალური გზის აღდგენითი სამუშაოების დაწყებას დაჰპირდა."ინფრასტრუქტურული პროექტების თვალსაზრისით მუშაობა არ შეჩერებულა და გრძელდება მწირი ფინანსური რესურსის ფარგლებში, პრიორიტეტების მიხედვით გზების მშენებლობა. კონკრეტულად საჩინოს შემთხვევაში სამუშაოები წლის ბოლოს დაიწყება, მომდევნო წლისთვის კი უშუალოდ ფიზიკური სამუშაოები",- განაცხადა გაბელიამ.ცნობისთვის, სოფელ საჩინოს მოსახლეობამ ზუგდიდი-წალენჯიხის დამაკავშირებელი ცენტრალური გზა დილიდან გადაკეტილი ჰქონდათ. აქციის მონაწილეები 7 კილომეტრიანი გზის შეკეთებას ითხოვდნენ. რადიო "ათინათი" Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: