„ქართული ოცნების“ გადაწყვეტილება

14.08.2018 05:49

პირველი არხი Georgian Public Broadcaster

არხი

უზენაესი სასამართლოს თავჯდომარეობის კანდიდატის შესარჩევად მმართველი გუნდი პრეზიდენტთან კონსულტაციებში არ ჩაერთვება. საპარლამენტო უმრავლესობა პროცესში მონაწილეობის აზრს ვერ ხედავს. როგორც ირკვევა, ეს გადაწყვეტილება „ქართულმა ოცნებამ“ პრეზიდენტის ადმინისტრაციის წარმომადგენლების გუშინდელი განცხადებების გამო მიიღო. იგულისხმება კომენტარები, რა დროსაც მმართველი პარტიის მისამართით რამდენჯერმე გამოიყენეს სიტყვა კინკლაობა. სახელისუფლებო პარტია ახლა პრეზიდენტისგან კანდიდატურის წარდგენას ელოდება, თუმცა უმრავლესობის ლიდერები კიდევ ერთხელ იმეორებენ, რომ პროცესის მიმართ პესიმისტურად არიან განწყობილნი. ამ კონტექსტში პარლამენტის თავმჯდომარემ გიორგი მარგველაშვილს დღეს სასამართლო გადაწყვეტილებებთან დაკავშირებული ძველი განცხადებები შეახსენა და მის პოზიციას არასახელმწიფოებრივი უწოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb

გაზიარება: