დმანისში ვითარება სტაბილურია

ორდღიანი ვნებათაღელვის და ფიზიკური დაპირისპირების შემდეგ დმანისში სიმშვიდეა. დაპირისპირებულ მხარეთა წარმომადგენლების შერიგებიდან 24 საათი გავიდა და ამ დროის განმავლობაში მუნიციპალიტეტში ექსცესებს ადგილი აღარ ჰქონია. თუმცა, ადგილზე საპოლიციო ძალები მაინც რჩებიან. ბოლო მონაცემებით, ჯგუფური ძალადობის მუხლით აღძრულ საქმეზე არავინაა დაკავებული. საერთო საქმეშია გაერთიანებული პირველი არხის გადამღებ ჯგუფზე მომხდარი ფიზიკური თავდასხმაც. ტელევიზია ითხოვს, მოხდეს იმ პირთა იდენტიფიცირება და კანონის შესაბამისად დასჯა, რომლებმაც გუშინ, დმანისის შესასვლელთან ჩვენს ჟურნალისტზე, ოპერატორსა და ფოტო-რეპორტიორზე ფიზიკურად იძალადეს. რა მოხდა დმანისში და რატომ გადაიზარდა მაღაზიასთან ყოფით ნიადაგზე მომხდარი ფიზიკური დაპირისპირება მასშტაბურ კონფლიქტში, რამაც სერიოზული საფრთხეები გააჩინა - ადგილობრივების ნაწილი, ისევე როგორც პოლიტიკური სპექტრი მომხდარის გაანალიზებას და პრობლემის მიზეზების გამოკვლევას ითხოვს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.