პრემიერი მსოფლიო ლიდერთა სამიტზე

კანდიდატის სტატუსზე საბოლოო გადაწყვეტილებამდე ორი კვირით ადრე მხარდაჭერა ევროპული საბჭოს პრეზიდენტისგან. ირაკლი ღარიბაშვილი შარლ მიშელს შეხვდა. დუბაიში გამართული აუდიენცია იმ რეფორმებზე საუბარს დაეთმო, რომლებიც სტატუსის მოსაპოვებლად ბოლო პერიოდში გატარდა. ბუნებრივია, დღის წესრიგში იყო ის სამოქმედო გეგმაც, რომელიც ხელისუფლებამ ევროკომისიისგან მიღებული ახალი რეკომენდაციების შესასრულებლად მოამზადა. პრემიერმა ევროპული საბჭოს პრეზიდენტს უთხრა, რომ 15 დეკემბერს საქართველო ევროკავშირის 27 ქვეყნისგან კანდიდატის სტატუსის მინიჭებას ელოდება. შეხვედრა გაერო-ს კლიმატის ცვლილებების სამიტის ფარგლებში შედგა. სამიტს მსოფლიოს სხვადასხვა ქვეყნიდან ჩასული ლიდერები ესწრებიან, რათა კლიმატური ცვლილებებით მოსალოდნელი საფრთხეების შესამცირებლად ერთობლივ გეგმაზე შეთანხმდნენ. დაგეგმილია ირაკლი ღარიბაშვილის სიტყვით გამოსვლა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.