ცენტრ „ემპათიას“ ხელმძღვანელის განცხადება

მიხეილ სააკაშვილის სამოქალაქო ტიპის სამედიცინო დაწესებულებაში გადაყვანას ითხოვს ცენტრი „ემპათია“. ორგანიზაციაში აცხადებენ, რომ გუშინ, პენიტენციური სამსახურის მიერ გავრცელებული ვიდეო და ფოტომასალა, პერსონალური მონაცემების შესახებ კანონს არღვევს და აჩენს მოლოდინს, რომ უწყება ექსპერტთა ალტერნატიული კომისიისა და სააკაშვილის შეხვედრასაც მიაყურადებს. სწორედ ამიტომ, ცენტრის წევრებს, ერთადერთ დაცულ ადგილად სამოქალაქო კლინიკა მიაჩნიათ, სხვა შემთხვევაში კი, სპეციალურ წერილობით გარანტიებს ითხოვენ. აღსანიშნავია, რომ ცენტრ „ემპათიას“ მიხეილ სააკაშვილთან ვიზიტის შესახებ თანხმობა, პენიტენციური სამსახურისგან ჯერ კიდევ არ მიუღია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.