„ლელო“ ინფრასტრუქტურის სამინისტროს ადანაშაულებს

საზოგადოებრივი მოძრაობა „ლელო“ ინფრასტრუქტურის სამინისტროს შესაძლო კორუფციულ გარიგებაში ადანაშაულებს. „ლელოს“ წევრის, ქეთევან ენუქიძის განმარტებით, სახელმწიფო შესყიდვების საეჭვო და დაუსაბუთებელი პრაქტიკა ინფრასტრუქტურის სამინისტროში ნეპოტიზმის და კორუფციის რისკებს აჩენს. „ლელოში“ მიიჩნევენ, რომ ტენდერების და გამარტივებული  შესყიდვების კონკრეტული მაგალითები ამ მიმართულებით არსებულ სისტემურ პრობლემაზე მიუთითებს, რითაც საგამოძიებო უწყებები უნდა დაინტერესდნენ. ქეთევან ენუქიძე მის ხელთ არსებულ დოკუმენტებს გენერალურ პროკურატურასა და ინფრასტრუქტურის სამინისტროს უახლოეს მომავალში წარუდგენს. „ლელოს“ ბრალდებებზე განმარტება ინფრასტრუქტურის სამინისტროში დღის განმავლობაში გაკეთდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.