„თბილისი ენერჯის“ განცხადება

თბილისში, მიხეილ მესხის ქუჩაზე მომხდარ ტრაგიკულ შემთხვევას „თბილისი ენერჯი“ ეხმაურება. მათი განცხადებით, ბინაში, სადაც გაზის ნამწვით ერთი ადამიანი დაიღუპა, ხოლო მეორე მოიწამლა, მობინადრეს აკრძალული დანადგარები ივნისის თვეში ჩაუხსნეს და გააფრთხილეს, თუმცა მან ხელმეორედ, კუსტარულად დააერთა. აღნიშნულიდან გამომდინარე, კომპანიის დირექტორი ვარაუდობს, რომ გარდაცვალება გაზის ნამწვმა გამოიწვია. „თბილისი ენერჯი“ მომხმარებლებს მიმართავს, გაითვალისწინონ კომპანიის რეკომენდაციები და შეწყვეტილი გაზმომარაგება თვითნებურად არ აღადგინონ. შეგახსენებთ, თბილისში, ნაძალადევის რაიონში, მიხეილ მესხის ქუჩაზე, სავარაუდოდ, ბუნებრივი აირის ნამწვით, 33 წლის გოგო დაიღუპა, მისი 22 წლის ძმა კი მოიწამლა. არსებული ინფორმაციით, ბინა გაქირავებული იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.