„თბილისი ენერჯის“ განცხადება

ზამთრის სეზონის მოახლოებასთან დაკავშირებით, „თბილისი ენერჯის“ წარმომადგენლებმა საინფორმაციო ბრიფინგი გამართეს. კომპანიის წარმომადგენლები აცხადებენ, რომ გაზის დანადგარების დარღვევით დაყენების სტატისტიკა საინფორმაციო კამპანიის შედეგად შემცირებულია, თუმცა დავით ბალავაძემ მოქალაქეებს გაზით ინტოქსიკაციისა და მოწამვლით გამოწვეული უბედური შემთხვევების თავიდან ასაცილებლად, უსაფრთხოების წესების დაცვისკენ კიდევ ერთხელ მოუწოდა. კომპანიის წარმომადგენლების განმარტებით, ბოლო 6 წლის განმავლობაში, კუსტარულად დაყენებული გაზის დანადგარების შედეგად 150 ადამიანი გარდაიცვალა, ინტოქსიკაცია კი 700-მდე მოქალაქემ მიიღო. „თბილისი ენერჯის“ წარმომადგენლები აბონენტებს მოუწოდებენ საჭიროების შემთხვევაში შემოწმებისთვის მიმართონ, მომსახურება უფასოა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.