პატიმრებზე ძალადობა ცხინვალის ციხეში

23.10.2019 04:47

პირველი არხი Georgian Public Broadcaster

არხი

სანქციებზე ამერიკელი კონგრესმენების მოწოდება ეხება იმ ადამიანებსაც, რომლებიც ცხინვალის ციხეში გადაღებულ კადრებში ფიგურირებენ. სექტემბრით დათარიღებულ ვიდეომასალაში ჩანს, თუ როგორ ძალადობენ ე.წ. სასჯელაღსრულების დაწესებულების ნიღბიანი თანამშრომლები პატიმრებზე ფიზიკურად. სავარაუდოდ, ისინი ის მსჯავრდებულები არიან, რომლებმაც ციხეში არსებული მძიმე პირობების გაუმჯობესების მოთხოვნით ზაფხულში შიმშილობა დაიწყეს. საპატიმროში ვითარება იმდენად გაუსაძლისია, რომ პრობლემამ რამდენიმე ე.წ. დეპუტატიც შეაწუხა. დე-ფაქტო პარლამენტში თვითაღიარებული იუსტიციის მინისტრის გადადგომას ითხოვენ. ოფიციალური თბილისი, რომელიც სისტემურ დანაშაულზე წლებია საუბრობს, ახლად გავრცელებულ კადრებზე საერთაშორისო პარტნიორებისგან მკაცრ რეაგირებას ელის. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: