შემთხვევა ბათუმის ერთ-ერთ კერძო სკოლაში

არასრულწლოვანთა შესაძლო პირადი ცხოვრების ამსახველი ვიდეოს გავრცელებაზე შინაგან საქმეთა სამინისტრომ გამოძიება დაიწყო. შემთხვევა ბათუმის ერთ-ერთ კერძო სკოლაში მოხდა. სკოლის დირექციამ მომხდარზე ინფორმაცია დღეს ქალაქის რესურსცენტრს მიაწოდა. სკოლაში სატელევიზიო კომენტარს არ აკეთებენ, დირექტორი პირად საუბრებში ამბობს, რომ ვიდეო, რომელზეც მეათეკლასელი გოგონასა და ბიჭის ურთიერთობაა ასახული, დახურულ ჯგუფში თავად გოგონამ გაავრცელა. ბათუმის რესურსცენტრის უფროსის, გოჩა დავითაძის განცხადებით, ფაქტის შესახებ სოციალურ სააგენტოსა და შინაგან საქმეთა სამინისტროს თავად აცნობეს. მისი თქმით, ამ დროისთვის მშობლებმა გოგონასა და ვაჟის სხვა სკოლებში გადაყვანის გადაწყვეტილება მიიღეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.