ომის ოცდამეოთხე დღე უკრაინაში

უკრაინის თავდაცვის სამინისტროს განცხადებით, ქვეყანამ აზოვის ზღვაზე წვდომა დროებით დაკარგა, მას შემდეგ რაც, რუსულმა ძალებმა მარიუპოლი ალყაში მოაქციეს. „როიტერის“ ცნობით, საპორტო ქალაქში საცხოვრებელი სახლების 80% დაზიანებული ან დანგრეულია. ამასთან, სააგენტო წერს, რომ ათასამდე ადამიანი შესაძლოა, ამ დრომდე ქალაქის თეატრზე მიტანილი იერიშის შედეგად, ნანგრევებშია მოყოლილი. 24 თებერვალს დაწყებული საბრძოლო მოქმედებების ერთ-ერთ პირველ სამიზნეს სწორედ მარიუპოლი წარმოადგენდა, ქალაქს სამხრეთით ოკუპირებული ყირიმის ნახევარკუნძული, ჩრდილოეთით კი ოკუპირებული დონეცკის რეგიონი ესაზღვრება. დღეს გამართულ ბრიფინგზე, პრეზიდენტის ოფისის ხელმძღვანელის მრჩეველმა, ალექსეი არესტოვიჩმა საჯარისო შენაერთებს, რომლებიც ქალაქ მარიუპოლს სამ კვირაზე მეტია გმირულად იცავენ, მადლობა გადაუხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.