„ბერძენიშვილი და სხვები რუსეთის წინააღმდეგ“ საქმის განხილვა სტრასბურგში

2006 წელს რუსეთიდან გამოძევებული საქართველოს მოქალაქეების საქმე.  ადამიანის უფლებათა ევროპული სასამართლო, მათთვის კომპენსაციების დაწესების საკითხს დღეს განიხილავს. საუბარია საქართველოს 7 მოქალაქის ინდივიდუალურ საჩივარზე, რომლებიც დეპორტაციის დროს ადამიანის უფლებების დარღვევის ფაქტზე დავობენ. საქმეში - “ბერძენიშვილი და სხვები რუსეთის წინააღმდეგ”,  ევროპულმა სასამართლომ ადამიანის უფლებების ევროპული კონვენციის არაერთი მუხლის დარღვევა გამოავლინა. მათ შორის ყველაზე მძიმეა არაადამიანური და დამამცირებელი მოპყრობა, ეფექტიანი სამართლებრივი დაცვის უფლების დარღვევა და უცხოელთა კოლექტიური გაძევების აკრძალვის იგნორირება. დიდმა პალატამ რუსეთს საქართველოს დაზარალებული მოქალაქეებისთვის 10 მილიონი ევროს გადახდა უკვე დააკისრა. ადვოკატის განცხადებით, ამის შემდეგ უნდა გარკვეულიყო ის ოდენობა, რაც ინდივიდუალურ განაცხადებზე რუსეთის ფედერაციას უნდა გადაეხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.