სასამართლო პროცესი

რუსთაველის გამზირზე, აქციის დროს დაკავებული პირების სასამართლო ცოტა ხნის წინ ისევ განახლდა. სხდომა რამდენიმე საათით დაცვის მხარის შუამდგომლობით შეწყდა. ადვოკატებმა მტკიცებულებების მოსაპოვებლად, დამატებითი დრო ითხოვეს. მოსამართლემ მათ ამისთვის სამი საათი მისცა. დღევანდელ პროცესზე, მოსამართლე სულ შვიდი პირის საქმეზე მსჯელობს. რაც შეეხება სხვა დაკავებულებს, გუშინ საქალაქო სასამართლომ შვიდი პირი დარბაზიდან გაათავისუფლა, საქმის არსებითი განხილვა კი 22 მარტისთვის გადადო. შეგახსენებთ, 2 მარტს ე.წ. უცხოური გავლენის აგენტების შესახებ კანონპროექტების წინააღმდეგ მიმდინარე დემონსტრაციაზე პოლიციამ 36 პირი დააკავა. აქციის მონაწილეებს წვრილმან ხულიგნობასა და პოლიციისთვის დაუმორჩილებლობას ედავებიან. დაკავებულები ბრალს არ აღიარებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.