გოსტომელი და ირპენი - ოკუპანტების მიერ განადგურებული ქალაქები

განადგურებული ქალაქები, მიწასთან გასწორებული შენობები, მშვიდობიანი მოქალაქეების მიმართ გამოვლენილი ენით აუწერელი სისასტიკე, იარაღით დახოცილი ადამიანები, წამების კვალი ცხედრებზე - ასეთი სურათია კიევის ოლქის ყველა იმ ქალაქში, რომლებიც რუსეთის საოკუპაციო ძალების თითქმის ერთთვიანი ტყვეობისგან გათავისუფლდნენ. გოსტომელი რუსეთის სასტიკი აგრესიის კიდევ ერთი ადგილია. კიევის ოლქში მდებარე ქალაქში დღეს „მოამბის“ გადამღები ჯგუფი მობილური ჰოსპიტლის ბრიგადასთან ერთად შევიდა. მოკლულია არაერთი მშვიდობიანი მოქალაქე, შენობების დიდი ნაწილი კი დანგრეულია. უმძიმესი სურათია ქალაქ ირპენშიც, სადაც პრაქტიკულად თითქმის ყველა ნაგებობა დაბომბილია. ადამიანებს, რომლებმაც საცხოვრებელი სახლები საომარი მოქმედებების დაწყებისთანავე დატოვეს, დღეს საკუთარ დასახლებებში შესვლის და სახლების ნახვის ნებართვა მისცეს. უმრავლესობას მხოლოდ ნანგრევები დახვდა.  რატი ხვისტანი და დათო ცირიკიძე განაგრძობენ მუშაობას უკრაინაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.