ზაზა ცოტნიაშვილი - ოკუპირებული ტერიტორიის მედია ქართული კულტურული მემკვიდრეობის შესახებ

3 დეკემბერს გამართულ სამეცნიერო კონფერენციაზე - ,,კულტურული მემკვიდრეობა კონფლიქტურ ტერიტორიებზე“, კავკასიის საერთაშორისო უნივერსიტეტის ჟურნალისტიკის პროგრამის ხელმძღვანელმა ზაზა ცოტნიაშვილმა, ჩვენი სამეცნიერო წრეებისთვისა და საზოგადოებისთვის აქტუალური კვლევა წარადგინა. აფხაზეთის ავტონომიური რესპუბლიკის განათლებისა და კულტურის სამინისტროს, სამხრეთ ოსეთის დროებითი ადმინისტრაციისა და ხელოვნების საერთაშორისო ცენტრის მხარდაჭერით, კონფერენცია საქართველოს ეროვნული მუზეუმის აუდიტორიაში გაიხსნა. კონფერენციაში მონაწილეობა მიიღეს საქართველოს სახელმწიფო და საგანმანათლებლო ინსტიტუციების, საერთაშორისო და ადგილობრივი ორგანიზაციების, კვლევითი ცენტრებისა და უნივერსიტეტების წარმომადგენლებმა. ზაზა ცოტნიაშვილმა თავის მოხსენებაში: ,,ოკუპირებული ტერიტორიის მედია ქართული კულტურული მემკვიდრეობის შესახებ“, - საინფორმაციო და ჰიბრიდულ ომზე ისაუბრა. მისი კვლევის შედეგების თანახმად, საინფორმაციო იარაღი უხილავია და ის უხმაუროდ აყალბებს ისტორიულ მემკვიდრეობას, იწვევს საზოგადოების პოლარიზებას. პროფესორ - ზაზა ცოტნიაშვილის გამოსვლის მთავარი რეკომენდაციები გახლავთ: • კულტურული მემკვიდრეობის ერთიანი ციფრული პლატფორმის შექმნა; • ინფორმირებული მოსახლეობა; • სოლიდარობა საინფორმაციო ომში; • სახელმწიფო პოლიტიკის გააქტიურება საინფორმაციო ომში თავდაცვისათვის; • საზოგადოების კონსოლიდაცია სახელმწიფოს ინტერესების გარშემო. კონფერენციის მიზანს წარმოადგენდა ოკუპირებულ ტერიტორიებზე არსებული კულტურული მემკვიდრეობის ძეგლების შესახებ ცნობილ მკვლევართა ნააზრევის გაზიარება დარგის სპეციალისტებისა და ფართო საზოგადოებისთვის, მათ დასაცავად საერთაშორისო გამოცდილების გამოყენება და სამომავლო მიზნების დასახვა. #საინფორმაციოომი #InformationWarfare #ИнформационнаяВойна #განათლებისსახლი #TheHouseofEducation #განათლებაინფო #EduiNfo #ზაზაცოტნიაშვილი #ZazaTsotniashvili #საინფორმაციოომებიდასაზოგადოება