ჯიხაშკარში, ზარანდიებთან სტუმრობაზე გოგა ხაინდრავა - 1.X.2020

1.X.2020 - რადიო „ჯორჯიან თაიმსის“ პირდაპირ ეთერში, მალხაზ გულაშვილის საავტორო გადაცემაში „რეალური პოლიტიკა“ რეჟისორი გოგა ხაინდრავა საუბრობს: რვა წლის წინანდელ 1 ოქტომბერზე; ცხრაწლიანი რეჟიმისდროინდელ უმძიმეს განსაცდელზე; სამარცხვინო ხელისუფლებაზე, რომელმაც მოსახლეობის 10% ციხეებში ჩასვა და პრობაციონერების რიცხვი 300 ათასზე აიყვანა; საპატიმროებში არსებულ ვითარებაზე, სამეგრელოს ტყეებში განხორციელებულ ქმედებებზე და ამავე პერიოდში თავზე ლაფდასხმულ საქართველოზე; წყლის ზედაპირზე მოტივტივე „ნაციონალურ მოძრაობაზე“; კავკასიაში მიმდინარე შეიარაღებული დაპირისპირების ფონზე, ბოლნისსა და დმანისში „ნაცმოძრაობის“ მიერ მოწყობილ პროვოკაციებზე; „ქართული ოცნების“ მიღწევაზე - განვლილი 8 წლის განმავლობაში ქვეყანაში არსებულ სტაბილურობაზე; პანდემიით გაჩერებულ მთელ მსოფლიოზე და ამ ფონზე, საქართველოს სახელმწიფო ინსტიტუტების მდგრადობაზე; 2008 წლის აგვისტოში იმჟამინდელი ხელისუფლების უსუსურ მოქმედებაზე, სამარცხვინოდ წაგებულ ომსა და აზერბაიჯანის საზღვარზე მდგარ 11 000 მანქანაზე, რომლებშიც სახელმწიფო მოხელეები, ხელისუფლების წარმომადგენლები ისხდნენ; 12 აგვისტოთი გამოწვეულ წარუშლელ შთაბეჭდილებაზე, როცა ქართულ საზოგადოებას რუსეთზე „გამარჯვება“ აზეიმეს; საერთაშორისო თანამეგობრობის გვერდში დგომით გადარჩენილ საქართველოზე; ხელისუფლების სათავეში მდგარ ბოროტმოქმედებზე, რომლებიც დღეს ხელისუფლებაში დაბრუნებას ცდილობენ; დღეს არსებულ ეკონომიკურ და სხვა ტიპის პრობლემებზე, რაშიც გასაკვირი არაფერია; ოთხმოცდაათიან წლებში ერთმანეთთან დაპირისპირებაზე და ნახევარი საქართველოს გადაბუგვაზე; სააკაშვილზე, როგორც დეგრადირებულ პიროვნებაზე, რომელიც საერთაშორისო ასპარეზზე ტივტივებს და ანგრევს უკრაინის სახელმწიფოს; სააკაშვილის უკან მდგომ სერიოზულ ძალებზე, რომლებიც რურუას და ხაზინის ქურდ უგულავას პოლიტიკურ პატიმრებად და პოლიტიკურ ლიდერებად აცხადებენ, რაც არის მსოფლიო პოლიტიკური კონიენქტურა; ობიექტური პირობების გამო „ქართული ოცნების“ დანაპირების ვერგანხორციელებაზე; საერთაშორისო თანამეგობრობის მხრიდან საქართველოს ხელისუფლებაზე განხორციელებულ ზეწოლაზე, რის საფუძველზეც სალომე ზურაბიშვილმა, როგორც გონიერმა პოლიტიკოსმა ორი კრიმინალი შეიწყალა; საერთაშორისო ასპარეზიდან საქართველოსთვის თავსმოხვეულ კოჰაბიტაციაზე; თავის თავზე დიდი წარმოდგენის მქონე მედიასაშუალებებზე, რომლებიც მუდამ ქართველი ხალხის სახელით საუბრობენ, მაგრამ რეალურად, ქართველი ხალხი რას ფიქრობს და როგორი წარმოდგენა აქვს ამა თუ იმ საკითხზე, ამით არც ინტერესდებიან; გავლენის აგენტებიდან ერთ-ერთზე - კაპიტან გიგაურზე; პროვოკაციების საპირწონე ქმედებაზე - სამართლებრივ რეაგირებაზე; თავისუფალ მედიაზე, როგორც მითზე და მედიასაროსკიპოებზე; პირზე დუჟმომდგარ მიშისტებზე; კავკასიაში არსებულ უმძიმეს განსაცდელზე - სომხეთ-აზერბაიჯანის ომზე და ამ კონფლიქტში პირდაპირ ჩართულ ქვეყნებზე, თურქეთსა და რუსეთზე, რაც რეგიონს სერიოზულ გართულებებს უქადდის; სომხეთ-აზერბაიჯანის კონფლიქტში საქართველოს ჩათრევის მცდელობაზე და რუსეთის ჩარევის შესაძლებლობაზე; ამ ფონზე საქართველოში გააქტიურებულ რუსულ გავლენებზე; ნატოსთან და ევროკავშირთან მჭიდრო ურთიერთობებზე; საქართველოზე, როგორც შედარებით ღარიბ ქვეყანაზე; ვაზზე, როგორც ჩვენი ქვეყნის სიმბოლოზე; ყარაბახის ომის მოსალოდნელ შედეგებზე; აფხაზებზე, როგორც ქართული ეთნოსის ნაწილზე. 32:16-დან: გოგა ხაინდრავას მეგრულ წარმოშობაზე; ჯიხაშკარში ზარანდიების ოჯახში სტუმრობაზე და ზვიად გამსახურდიას მომხრეებთან შეხვედრის დეტალებზე; მანამდე თბილისში მათ სტუმრობაზე. 36:17-დან დავით გარეჯთან დაკავშირებით ახლახანს დაწყებულ გამოძიებაზე, ნინო კალანდაძემდე მისულ კვალზე და სააკაშვილის თვითაღიარებით გახსნილ (ფაქტიურად გახსნილ) საქმეზე; კულტურის ყოფილი მინისტრის გოკა გაბაშვილის განცხადებაზე, გარეჯის ერთობლივად მართვის შესახებ; დავით გარეჯზე მის მიერ გადაღებულ ფილმზე; სააკაშვილის ხელისუფლების დროს აზერბაიჯანისთვის გადაცემულ დავით გარეჯის ნაწილზე; XIX საუკუნეში რუსების მიერ აფხაზეთიდან გასახლებულ 51 000 ოჯახზე; იმპერატორ ალექსანდრე I-ის წერილზე, რომელიც გენერალ ყარსკის წერს - ყარსი, რომ აიღე კარგია, მაგრამ ახლა უფრო რთული ამოცანა გაქვს - „ტუზემცებისგან“ აფხაზეთი და ჩრდილო კავკასია უნდა გაწმინდო და გაანადგუროო; მთელი შავი ზღის სანაპიროს ადგილობრივი მოსახლეობისგან გაწმენდაზე; აფხაზური სკოლის მე-10-11 კლასის ისტორიის სახელმძღანელოზე, სადაც წერია, რომ XIX საუკუნეში გენოციდი ქართველებმა ჩაიდინეს; იმ ფილმზე, რომელიც მუჰაჯირობას შეეხება და რომელზეც გოგა ხაინდრავა მის აფხაზ მეგობრებთან ერთად მუშაობს; ამ ინფორმაციის გავრცელების შემდეგ რუსეთის ამუშავებულ გავლენებზე - რადიო „თავისუფლების“, „ტევეპირველის“ და „მთავარი არხის“ საშუალებით ხსენებული პროექტის განხორციელების ორჯერ ჩაგდებაზე; აფხაზური საზოგადოების მოწამლულ ხერხემალზე - 25-27 წლის ახალგაზრდებზე, რომლებიც ფილმის გადაღების შემდეგ მუჰაჯირობაზე სიმართლეს შეიტყობენ.