„დილა პირველზე“, 23 თებერვალი, 2016

• წიგნის გამომცემელთა და გამავრცელებელთა ასოციაციის ინიციატივით, საქართველოში 24 თებერვალს, პირველად აღინიშნება წიგნის საჯაროდ კითხვის მსოფლიო დღე. რა სახით უერთდება საქართველო საერთაშორისო ინიციატივას, -თაკო ასათიანის სიუჟეტი. • დაგეგმილ ღონისძიებებზე ვრცლად, საქართველოს წიგნის გამომცემელთა და გამავრცელებელთა ასოციაციის თავმჯდომარე გვანცა ჯობავა და პოეტი, საქართველოს პარლამენტის ეროვნული ბიბლიოთეკის დირექტორი, გიორგი კეკელიძე, საუბრობენ. • წიგნის საჯაროდ კითხვის დღესთან დაკავშირებით, 24 თებერვალს მწერალთა სახლში მოწვეული ავტორები საჯაროდ წაიკითხავენ თავიანთ ნაწარმოებებს, იქვე დაწესდება ტრადიციული პრემია და წელს პირველად გამოვლინდება „წლის წიგნის ქომაგი“. თემის დეტალებით, ნიკა ლობილაძის რეპორტაჟი. • პროექტი ,,მოგზაურობა წიგნებში’’, წიგნის საჯაროდ კითხვის მსოფლიო დღეს უერთდება და 24 თებერვალს, 14:00 საათზე, მოზარდებს ვაკის მედიათეკაში იწვევს. მსახიობი ნიკო კანკია და მხატვარი მაგდა რევიშვილი მოზარდებს დაუვიწყარ სანახაობას პირდებიან. დეტალებით, ლიკა მოშიაშვილის რეპორტაჟი. • წიგნის საჯაროდ კითხვის მსოფლიო დღესთან დაკავშირებით, მწერალი და ჟურნალისტი შორენა ლებანიძე თბილისის 36-ე საჯარო სკოლის უფროსკლასელებს შეხვდება და სწორედ მათ წაუკითხავს ფრაგმენტებს თავისი დოკუმენტური რომანიდან სახელწოდებით „მანანა ანუა – ტყვეობის 52 დღე“. გადაცემის სტუმრები: მწერალი და ჟურნალისტი შორენა ლებანიძე და აფხაზეთის მთავრობის ნდობის აღდგენისა და შერიგების საკითხებში მინისტრის მოადგილეს მანანა ანუა. • ნიკოლოზ ბარათაშვილის პირადი წერილები გამოიცა, გადაცემის სტუმარი - წიგნის ავტორი მაია ცერცვაძე. • მწერალ თეონა დოლენჯაშვილის რომანმა "მემფისი" საერთაშორისო წარმატება მოიპოვა. გადაცემის სტუმარი: თეონა დოლენჯაშვილი.