ვითარება სომხეთში

სომხეთის გენშტაბის უფროსი ონიკ გასპარიანი ამ დრომდე თანამდებობას ინარჩუნებს. პრეზიდენტს ჯერ-ჯერობით არ უცნობებია საზოგადოებისთვის აპირებს თუ არა მიმართოს საკონსტიტუციო სასამართლოს, იმის დასადგენად, თუ რამდენად კანონიერია პრემიერ-მინისტრის განკარგულება გასპარიანის გათავისუფლებასთან დაკავშირებით. ამ მოთხოვნით, პრეზიდენტთან შეხვედრა გამართეს ოპოზიციის წარმომადგენლებმა – „მოძრაობა გადარჩენისთვის“. პრეზიდენტი მათ დაპირდა, რომ გადაწყვეტილებას უახლოეს საათებში აცნობდა. პრემიერ-მინისტრი ნიკოლ ფაშინიანი კი, ქვეყანაში შექმნილი ვითარებიდან გამომდინარე, ოპოზიციას ვადამდელ საპარლამენტო არჩევნებს სთავაზობს, თუმცა ერთი პირობით, გასპარიანმა თანამდებობა უნდა დატოვოს. ოპოზიციური პარტია „ნათელი მომავლის“ ლიდერი კი, გენშტაბის გათავისუფლების შესახებ გამოცემული განკარგულების უკან გაწვევის საპასუხოდ, ფაშინიანს მემორანდუმს სთავაზობს, სადაც ვადამდელი არჩევნების დროს, პრემიერობის საკუთარი კანდიდატურის წარდგენაზე უარს იტყვიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.