ხვალიდან ერთიანი ეროვნული გამოცდები იწყება

რეკომენდაციები უკვე მზად არის ერთიანი ეროვნული გამოცდების ჩასატარებლადაც, პროცესი ხვალიდან, 6 ივლისიდან იწყება. აბიტურიენტების მისაღებად, საქართველოს მასშტაბით, 20-ზე მეტი საგამოცდო ცენტრი უკვე მზად არის. თავდაპირველად აბიტურიენტები ქართულ ენასა და ლიტერატურას ჩააბარებენ. ბოლო თვეების განმავლობაში, ონლაინსწავლების მიუხედავად, ეროვნულ გამოცდებზე მინიმალური კომპეტენციის დადასტურების ზღვარი არ დაიწევს და არც რთული კითხვების რაოდენობა შემცირდება. რაც შეეხება ვირუსის პრევენციისათვის ამოქმედებულ წესებს, რეგისტრაციის გავლა პირბადით არის სავალდებულო, თუმცა მოგვიანებით, უშუალოდ მერხთან დაჯდომის შემდეგ, ეს აუცილებელი აღარ არის. ამასთან, აბიტურიენტებს გაუზომავენ სიცხეს. განსაზღვრულია ფართობიც და ამ ფართობზე დასაშვებ პირთა რაოდენობა. ასევე, სამუშაო მაგიდა წინა მხრიდან აღჭურვილი იქნება გამჭვირვალე დამცავი ბარიერით. 2020 წლის ეროვნულ გამოცდებზე 39 300-ზე მეტი აბიტურიენტია დარეგისტრირებული. საგამოცდო პროცესი 25 ივლისს დასრულდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.