აქციები თბილისში - „ქართული ოცნების“ შეფასება

რა მიზანს ემსახურება საპროტესტო აქციები. „ნაციონალური მოძრაობის“ წევრის, ზურაბ ჭიაბერაშვილის განცხადებას აღნიშნულთან დაკავშირებით, სადაც ის მოვლენების შესაძლო მძიმე განვითარებაზე ამახვილებდა ყურადღებას, „ქართული ოცნება“ ეხმაურება. მმართველ გუნდში ამბობენ, რომ ჭიაბერაშვილის სიტყვებს ყურადღება პროტესტის მონაწილეებმა განსაკუთრებულად უნდა მიაქციონ. მათივე თქმით, აქციებზე უსაფრთხოებას იცავს შსს. შეგახსენებთ, ზურაბ ჭიაბერაშვილმა ერთ-ერთი ტელეკომპანიისთვის მიცემულ ინტერვიუში განაცხდა: ვციტირებ – მშობლებს განსაკუთრებით გამძაფრებული გრძნობა გვაქვს, მით უმეტეს მათ, ვისაც გვინახავს 90-იანი წლების უბედურება, ძალიან დიდ ბეწვის ხიდზე გავდივართ, ღმერთმა დაიფაროს და რაიმე ტიპის ფატალური შემთხვევა და არავინ იცის, რა სახეს მიიღებს მოვლენები, რაც ჩვენს ქვეყანაშია. ჭიაბერაშვილი მთელ პასუხისმგებლობას მოვლენების ნებისმიერი განვითარების შემთხვევაში „ქართულ ოცნებას“ აკისრებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.