ფინანსთა მინისტრის განცხადება

საქართველოს ფინანსთა სამინისტრომ წარმატებით დაასრულა 500 მილიონი დოლარის ღირებულების ევრობონდების გამოშვება - ამის შესახებ ფინანსთა მინისტრმა, ლაშა ხუციშვილმა განაცხადა. მინისტრის ინფორმაციით, ობლიგაციების ვადიანობა ხუთი წლით განისაზღვრა და საპროცენტო განაკვეთი კი, მინისტრის განმარტებით, უპრეცედენტოდ დაბალია. 

შეგახსენებთ, რომ ახალი 500-მილიონი დოლარის საგარეო ვალის აღება 2011 წელს გამოშვებული ევრობონდების რეფინანსირების მიზნით ხდება. ამ ვალის ძირი თანხის - 500 მილიონი დოლარის დაფარვის ბოლო ვადა 12 აპრილს იყო. ფინანსთა სამინისტროს განცხადებით, მათ ამ ვალდებულების დაფარვა გასულ კვირაში ბიუჯეტში არსებული თავისუფალი სახსრების მეშვეობით მოახდინეს.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://bit.ly/2WZv1qY
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.