აქცია თელავში

თელავში სამოქალაქო აქტივისტებსა და პოლიციას შორის სიტყვიერი და ფიზიკური დაპირისპირება მოხდა. ინციდენტი მას შემდეგ დაიწყო, რაც სამოქალაქო აქტივისტებმა თეატრის მიმდებარე ტერიტორიიდან პოლიციის შენობასთან გადაინაცვლეს და კარავი გაშალეს. როგორც ისინი აცხადებდნენ, პოლიციის უფროსთან შეხვედრას და მათ მიმართ განხორციელებულ პროვოკაციულ ფაქტზე დამნაშავის დასჯას ითხოვდნენ. სამოქალაქო აქტივისტები ასევე ცდილობდნენ გზის გადაკეტვასაც, რისი საშუალებაც პოლიციამ არ მისცა. მომხდარის დროს ერთი პირი დააკავეს, თუმცა მოგვიანებით ხელწერილის საფუძველზე გაათავისუფლეს. სამოქალაქო აქტივების მტკიცებით, გუშინ დილით, ორი პირი ავტომანქანით ცდილობდა მათ კარავში შეღწევას, რა დროსაც კარავი დაზიანდა და მათ სიცოცხლეს საფრთხე შეექმნა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.