ჩაქვში მოქალაქეს მერიის თანამშრომელმა გზის მოსაწესრიგებლად 300 ლარი მოთხოვა

საჯარო მოხელე, რომელმაც მოქალაქისგან ფული აიღო. ჩაქვისთავში ადგილობრივმა მერის წარმომადგენელს  გზის კეთილმოსაწყობად  თანხა გადაუხადა. რატომ გამოართვა გიგა  ცეცხლაძემ ქობულეთის მუნიციპალიტეტის მკვიდრს სესხით აღებული 300 ლარი?  ინფრასტრუქტურა სოფელში  დღემდე მოუწესრიგებელია. რა პასუხი აქვს ქობულეთის მერიის ხელმძღვანელობას?   ჩაქვში მცხოვრებ მალხაზ გორგილაძის სახლამდე მისასვლელი გზა ავარიულია. მან ტერიტორიის მოწესრიგების ხარჯები თავად გაიღო.  ირწმუნება,რომ პრობლემის მოსაგვარებლად მერის წარმომადგენელმა სოფელ ხალაში 300 ლარი მოსთხოვა.  ადგილობრივმა  სწრაფი სესხის მეშვეობით თანხა აიღო და საჯარო მოხელეს გადაუხადა, თუმცა მძიმე ტექნიკა სოფელში დღემდე არ აუყვანიათ. ადგილობრივი გვიყვება რომ პენიტენციური დაწესებულება  3 წლის წინ დატოვა. აქვს ჯანმრთელობის პრობლემები. მარტოხელა კაცს ხშირად ესაჭიროება სასწრაფო სამედიცინო დახმარებაც თუმცა დაზიანებული გზის გამო ტრანსპორტი ადგილზე ვერ გადაადგილდება.  მალხაზ გორგილაძის მსგავსად გადაადგილების პრობლემაზე საუბრობენ მეზობლებიც.,ამბობენ რომ პროდუქტისა და საყოფაცხოვრებო ნივთების შესაძენად რამდენიმე კილომეტრს ფეხით გადიან.  ტერიტორიაზე მხოლოდ კვადროციკლებით მოძრაობაა შესაძლებელი. თანხის გადაცემის ფაქტს ადასტურებს მერის წარმომადგენელი სოფელ ხალაში.  გიგა ცეცხლაძე ირწმუნება რომ ტერიტორიის ნაწილი აღნიშნული პირის კერძო საკუთრებაა,მუნიციპალიტეტს კი მსგავსი ტერიტორიების მოწესრიგების პროგრამა არ გააჩნია მოქალაქის მიერ სოფელ ხალაში მერის წარმომადგენლისთვის  მიცემული თანხის შესახებ არაფერი იციან ქობულეთის მერიაში. ზაზა კაიკაციშვილის თქმით უწყების  პროგრამის ფარგლებში, გზის ის სავალი ნაწილი მოწესრიგდება, რომელიც მუნიციპალიტეტის საზღვრებშია, ხოლო დანარჩენი ნაწილის რეაბილიტაცია,  კერძო პირმა უნდა უზრუნველყოს.  სოფელ ,,ჩაქვის თავში“  4 ოჯახი ცხოვრობს. #კორუფცია #ჩაქვი