გაერო-ს რეზოლუცია

გაერო-ს გენერალურმა ასამბლეამ მიიღო რეზოლუცია, რომელიც რუსეთს უკრაინისთვის მიყენებული ზარალის ანაზღაურებისკენ მოუწოდებს. რეზოლუციას გაერო-ს გენერალური ასამბლეის 94-მა წევრმა მისცა ხმა, მათ შორის საქართველომ, წინააღმდეგი 14 იყო, 74-მა კი თავი შეიკავა. რეზოლუციის პროექტი უკრაინის მიერ იყო ინიცირებული და მისი თანასპონსორი ათობით ქვეყანა იყო. დოკუმენტში ნათქვამია, რომ რუსეთმა პასუხი უნდა აგოს უკრაინაში და უკრაინის წინააღმდეგ საერთაშორისო სამართლის, ასევე საერთაშორისო ჰუმანიტარული სამართლისა და ადამიანის უფლებების ყველა დარღვევისთვის. რეზოლუციის მხარდამჭერები რუსეთის ქმედებების შედეგად მიყენებული ზარალის, დანაკარგის და ზიანის ასანაზღაურებლად საერთაშორისო მექანიზმის შექმნის აუცილებლობაზე საუბრობენ. კერძოდ, დოკუმენტი მოიცავს რეკომენდაციას, რომ ზარალის საერთაშორისო რეესტრი შეიქმნას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.