ჯულიეტა ვაშაყმაძის გახსენება

ტელეეკრანზე გატარებული 50 წელი და ადამიანი, რომელმაც სატელევიზიო სივრცეში შექმნა ეპოქა. ჯულიეტა ვაშაყმაძე გარდაიცვალა. პირველი ქართული ტელევიზიის პირველი თაობის ლეგენდად ქცეულ სახეს მიჰყავდა საინფორმაციო პროგრამა „მოამბე“ და გადაცემები თითქმის ყველა სფეროზე, უძღვებოდა პირდაპირ რეპორტაჟებსაც - ჰქონდა გამორჩეული გარეგნობა, ხმის ტემბრი, მეტყველება და მახსოვრობის და გადმოცემის განსაკუთრებული უნარი. „ვერ წარმომედგინა, ტექსტი წამეკითხა, ფურცლის გარეშე ვესაუბრებოდი მაყურებელს ყოველთვის“, - ამბობდა ერთ-ერთ ინტერვიუში ტელეწამყვანი.  ტელე-კარიერასთან ერთად, იყო წარმატებული მსახიობი. გადაღებულია რამდენიმე ცნობილ ქართულ ფილმში, მათ შორისაა „ყვავილი თოვლზე“, „თოჯინები იცინიან“ და სხვები. ჯულიეტა ვაშაყმაძე 87 წლის ასაკში გარდაიცვალა. ცნობილ ტელეწამყვანს ხვალ დაკრძალავენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.