სახალხო დამცველის სარჩელი

სახალხო დამცველმა ბათუმში დაგეგმილი მშენებლობების განსახორციელებლად დამტკიცებული დროებითი საგამონაკლისო წესის შეჩერებისა და არაკონსტიტუციურად ცნობის მოთხოვნით, საკონსტიტუციო სასამართლოს მიმართა. სახალხო დამცველის აპარატის ინფორმაციით, „პარლამენტის მიერ 23 ივნისს მიღებული ცვლილებები სამშენებლო კომპანიებს უფლებას აძლევს შენობა-ნაგებობის მშენებლობის პროცესი უსაფრთხოების, მშენებლობის ძირითადი პირობების, სიმტკიცის, მდგრადობის, სახანძრო უსაფრთხოების და ევაკუაციის წესების დაცვის გარეშე წარმართონ“. ამასთან, მათი თქმით, „ამ ტიპის რეგულაციები არღვევს გონივრულ და სამართლიან ბალანსს, რომელიც ადამიანის უფლებების დაცვის თვალსაზრისით მნიშვნელოვანია და ეწინააღმდეგება კონსტიტუციას“. სახალხო დამცველის სარჩელს საკონსტიტუციო სასამართლოში აჭარის მთავრობის თავმჯდომარე, თორნიკე რიჟვაძე გამოეხმაურა. მისი განცხადებით, კანონპროექტს სასამართლოში დაიცავენ და „არავის მისცემენ ქალაქისთვის უმნიშვნელოვანესი პროექტის დისკრედიტაციისა და შეჩერების შესაძლებლობას“. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.