„კოვიდ-19“-ის ახალი შემთხვევა ბათუმში - კლინიკა „მედალფაში“ 35 წლის ქალი მოათავსეს

„კოვიდ-19“-ის ახალი შემთხვევა ბათუმში - კლინიკა „მედალფაში“ 35 წლის ქალი მოათავსეს. ახალი შემთხვევა იმპორტირებულია. ამდენად, ამ დროისთვის კლინიკაში ინფიცირებულთა რაოდენობა 26-მდე გაიზარდა. ამასთან, „მედალფას“ კლინიკური დირექტორის განცხადებით, დამძიმდა 72 წლის ქალის მდგომარეობა, რომელიც მართვით სუნთქვაზე გადაიყვანეს და ასევე მართვით სუნთქვაზე რჩება 70 წლის მამაკაციც. სხვა პაციენტების მდგომარეობა ფასდება როგორც საშუალო და მსუბუქი სიმძიმის. უცნობია, როდის დატოვებს კლინიკას გამოჯანმრთელების სტადიაში მყოფი ორი პაციენტი, მათ შორის მედდა, რომელიც პაციენტთან ურთიერთობის შედეგად დაინფიცირდა. კლინიკაში ამბობენ, რომ მათ ვირუსი ტესტირების შემდეგ აღარ უდასტურდებათ, თუმცა კვლავ რჩება პნევმონია და ისინი მკურნალობას კვლავ კლინიკაში აგრძელებენ. აჭარის ჯანდაცვის სამინისტროს ამ დრომდე არ გაუვრცელებია კორონავირუსის დღევანდელი სტატისტიკა, ცნობილია, რომ ელოდებიან 66 ანალიზის პასუხს და ქობულეთის კლასტერთან დაკავშირებით, მოძიებულია 355 კონტაქტზე მეტი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.