თბილისის საკრებულოს სხდომა

თბილისის საკრებულოს დღევანდელი სხდომა ოპოზიციური პარტიების მიერ შემუშავებული უკრაინის მხარდამჭერი განცხადების გაცნობითა და უკრაინის ეროვნული ჰიმნის გაჟღერებით დაიწყო. მათ კიევს, როგორც თბილისთან დაძმობილებულ ქალაქს სოლიდარობა გამოუცხადეს და ამ მიზნით, მერიას თბილისის ანძისა და საკრებულოს შენობის უკრაინის დროშის ფერებში განათების თხოვნით მიმართეს. სხდომაზე დღის წესრიგით გათვალისწინებული საკითხების განხილვის დაწყებამდე მცირე სიტყვიერი დაპირისპირება მოხდა. ინციდენტი ფრაქცია „ნაციონალური მოძრაობის“ წევრის, ზვიად კუპრავას მიერ გაკეთებულ განცხადებას მოჰყვა, როცა მან საპატრულო პოლიციელის მხრიდან შშმ პირის ცემის ფაქტი დაგმო და პოლიციელი „ქართული ოცნების“ დღევანდელ სახედ წარმოაჩინა, რასაც „ქართული ოცნების“ წევრის, ვლადიმერ ბოჟაძის საპასუხო განცხადება მოჰყვა. ბოჟაძემ „ნაციონალური მოძრაობას“ მათი მმართველობის პერიოდში სისტემაში არსებული დანაშაულები შეახსენა. დაპირისპირების ამოწურვის შემდგომ სხდომა დღის წესრიგით გათვალისწინებული საკითხების განხილვითა და კენჭისყრებით დასრულდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.