ნიკა გვარამიას ბრალი წარედგინა

ნიკა გვარამიას მოწმის სტატუსი ბრალდებულით შეეცვალა. ტელე-კომპანია „რუსთავი 2“-ის ყოფილ გენერალურ დირექტორს, ბრალი ცოტა ხნის წაუყენეს. ჯერ უცნობია, რა შუამდგომლობით მიმართავს პროკურატურა სასამართლოს. საგამოძიებო უწყება გვარამიას ტელევიზიის საწინააღმდეგო ინტერესებით მოქმედებას და მისთვის ფინანსური ზარალის მიყენებას ედავება. საუბარია 7 მილიონამდე ლარზე, რომელიც, პროკურატურის ვერსიით, ტელე-კომპანიამ გენერალური დირექტორის მხრიდან უფლებამოსილების ბოროტად გამოყენების გამო ვერ მიიღო. საქმეში ფიგურირებს ტელე-კომპანიის კონტრაქტორი კომპანია „ინტერმედია პლიუსი“, რომლის მფლობელები, გამოძიების ინფორმაციით, გვარამიას მეგობრები არიან. დავის საგანია 2015 წელს კონტრაქტორთან გაფორმებული ხელშეკრულება, რომლითაც „ინტერმედია პლიუსმა“ „რუსთავი 2“-ის ეთერში რეკლამის განთავსების უფლება მიიღო. გამოძიება იკვლევს ნასყიდობის ხელშეკრულებასაც, რომლითაც გვარამიას „ინტერმედია პლიუსისგან“ ორი ბინა გადაეცა. თუმცა, მითითებულ დოკუმენტს სასესხო ხელშეკრულებად აცხადებს თავად ნიკა გვარამია და მისთვის წაყენებულ ბრალდებას პიარ-კამპანიად მიიჩნევს.  ნოდარ ჩაჩუა განაგრძობს საუბარს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.