თელავის იაკობ გოგებაშვილის სახელობის სახელმწიფო უნივერსიტეტში \"ფრანკოფონიის\" კონკურსი ჩატარდა. კონკურსის მიზანს ფრანგული ენისა და კულტურის პოპულარიზაცია წარმოადგენს. მასში მონაწილეობას იღებდნენ სტუდენტები და უფროსკლასელები. აღნიშნულ კონკურსში გამარჯვებულებს ფრანგული დელეგაციის წევრებისგან შემდგარი ჟიური გამოავლენს. კონკურსის მიმდინარეობას კახეთის გუბერნატორი - ზურაბ ჭიაბერაშვილიც დაესწრო. გამარჯვებულებისთვის დაწესებულია პრიზები: პირველ და მეორე ადგილებზე გასული კონკურსანტები საფრანგეთის ქალაქ - დიჟონში გაემგზავრებიან, სადაც ფრანგულ ენაში ორკვირიან სტაჟირებას გაივლიან. მესამე და მეოთხე ადგილებზე გასულები - თბილისში, ფრანგულ ინსტიტუტში უფასო კურსებზე ჩაირიცხებიან. დანარჩენ კონკურსანტებს სხვადასხვა სახის პრიზები გადაეცემათ. კონკურსი საფრანგეთის საელჩოს და იონის დეპარტამენტის ინიციატივით ხორციელდება.
ვებ-გვერდზე გადასვლა:
http://bit.ly/129BFvg
ვებ-გვერდზე გადასვლა:
http://bit.ly/129BFvg
